行程: 札幌半日遊 (大通公園->時計塔->電視塔->shopping->二條市場->自駕去支芴湖
今日簡直可以話係狂食之行ar~
一起身就去咗食buffet breakfast~ 哈哈~ 係咁多日旅行最正的一餐早餐黎ga~
之後午餐去咗二條市場食魚生飯, 夜晚仲勁, 溫泉酒店無敵懷石料理~
真係好滿足ar~
一早去咗上次冇入過去參觀的時計塔及電視塔~
我最鐘意設計時時計大臣及電影塔爸爸的公仔, 真係好cutie~ ^^
電視塔上面岩岩有小學生係度寫生, 日本d小朋友真係幾好, 真係幾活動教學ar~
二條市場有d似築地咁, 不過細d, 但有勁多蟹賣, 仲有夕張蜜瓜添~
之後去?一間鋪食魚生飯~ d 海膽好好食ar~唔知之後去稚內及禮文島會唔會更好食呢? ^^
好耐咁行返去拎車自駕~
第一次自駕係擔心d ga la~ 雖然尋晚已經祈?禱, 但都係worry ga ma~
一上車就唔太識用部gps, 好彩只係有少少誤會?~ ^^
亦都thanks god, 最後都平安到達支笏湖~
不過去到時天氣就麻麻?~ 有d雨落~
本黎諗住駕去溫泉街cc, 但最後都唔知泊邊度好, 只好當遊車河返轉頭la~
丸駒的溫泉很出名, 去到一睇, 真係唔錯~ 岩岩係正支笏湖隔離浸, 有咩比哩個更好feel 呢?
佢仲有一個秘湯好似係深山入面咁,勁正~ 有機會冬天黎我估應該更好feel~
夜晚的料理當然勁豐富la~ 食到好飽好飽~
不過夜晚我哋有個餘興節目, 就係捉蚊遊戲~
哈~ 都估到北海道有蚊ga la~ 但點都估唔到有咁鬼多~
我一晚就kill ?30-40隻蚊, 勁恐佈~
不過支殺蚊水真係勁work~
返香港要買黎try try, 哈~ 不過香港邊有咁多蚊ar~